![今天生日的Ben Sir,教大家如何睇明星。](https://cdn.am730.com.hk/s3fs-public/styles/article_image/public/2024-08/ben%20sir.jpg?itok=Ry90eioB)
今天生日的Ben Sir,教大家如何睇明星。
YouTube頻道試當真,以Anson Lo新歌《Hey Hey OK!》MV舞姿作忍笑測試,觸怒其fans引發退訂潮風波。試當真於是把該片下架,頻道的兩位主理人蘇豪及游學修,昨日更特別拍片解釋為何把該影片下架,更稱:「搞笑唔係大晒」。
香港粵語語言學者歐陽偉豪(Ben Sir),昨日於facebook出帖,指「娛樂圈爲觀衆提供笑料,引觀衆發笑,藝人互相取笑,例如盧海鵬、廖偉雄模仿羅文、張國榮、徐小鳳逗觀衆發笑,從來沒需要向被模仿明星及其歌迷道歉。」Ben Sir又以自己個人經歷做例子,「我開親子講座,即場笑老母做老母,尚且都不用道歉。星嚟架(我講我自己),道咩歉?再退十萬步,係都要道歉,點道呀?」他強調:「『對不起,笑X你』咁呀?」
如何定義心地唔好
Ben Sir又在留言區寫道:「而家係娛樂圈,唔係公民教育堂,唔係社區中心弱勢社群聚會,唔係醫院醫生對病人嘅溝通情境等。」有網民在其他討論區,就Ben Sir以上的言論稱:「笑x super tiger、燶奶就得,笑x人地十幾歲靚妹Chantel似馬蹄露又得,呢啲又唔見話心地唔好。」
生日出帖 教你追星
昨晚Anson Lo澳門出席活動,回應試當真把影片下架心情OK,又稱:「我嘅感受唔係最緊要。」今天生日的Ben Sir又再出帖:「我睇明星,係睇佢才氣,霸氣,傲氣,傲慢,唔係睇佢婆婆媽媽施展大愛,散發善良,同人性嘅光輝。要睇聖人,我會睇德蘭修女,同聖經人物。」Ben Sir連番出post,似乎對今次下架事件頗有意見。
![](https://cdn.am730.com.hk/s3fs-public/styles/article_image/public/2024-08/ben%20sir-3.jpg?itok=r5_hB8ir)