詹天文近日在電台節目自爆收到同學仔跟她表白。
詹天文(Windy)昨日（13日）到新城廣播接受譚玉瑛（阿譚）、何基佑及麥皓兒主持的《QK玉瑛室》訪問，宣傳新歌《麻煩彈開》，Windy特別送上彈彈波給一班主持，寓意歌名的「彈」字，她又指：「希望你哋啲麻煩都彈開。」
現年18歲的Windy被問到是否遇到多麻煩事？她直言：「都幾多吓，人生中好多麻煩，會有人或事，有啲人磁場夾唔到都會麻煩，不過我盡量都會去面對，唔會逃避。」
(左起)何基佑、詹天文、譚玉瑛、麥皓兒。
阿譚又問到Windy有甚麼擇偶條件？Windy表示要陽光、樂觀及高自己一個頭，但她強調：「當真正鍾意一個人時，呢啲要求都可能會冇咗。」再問Windy有沒有遇過難忘的追求者？她自爆在剛過去的七夕收到男同學的表白，「我同佢喺學校冇乜講過嘢，佢仲話鍾意咗我好耐，又寫咗大段嘢畀我，有少少嚇親。」
不過Windy已極速婉拒對方，「我好明確同佢講對佢冇感覺，同埋想專注事業同學業，佢有覆我，但我冇睇。如果同一個人一齊，我要有足夠感覺，而唔係試吓。」
詹天文表示現時想專注學業。
amJetso送 Bodysonic先力牌窗口式冷氣機X靜音循環風扇X電動冷凍小風扇
