詹天文
「聲夢小花」詹天文（Windy）早前透露獲美國伯克利音樂學院取錄，同時獲本港大學取錄，但最後放棄美國及香港嘅學位，選擇到廣州星海音樂學院升學。近日，詹天文已低調地到達廣州開學，又於社交平台分享新生活嘅照片。
詹天文分享多張到埗後嘅照片，包括高鐵站、校園環境、於學校初試啼聲以及美食照，似乎已經適應新生活。唔少網民都留言叫詹天文加油，祝福佢可以有個開心美滿嘅大學生活，又有網民羨慕星海音樂學院嘅同學仔。
並未繫上安全帶
詹天文分享嘅其中一段短片明顯見到佢手上有畀蚊叮嘅痕跡，有網民就表示擔心，留言叫詹天文小心廣州嘅蚊患。
另外，詹天文有一張坐喺私家車上自拍嘅照片，相中嘅佢並未繫上安全帶，雖然未有網民留意到，但詹天文為免大家擔心，主動留言交代：「因為已經到達目的地了，所以除咗安全帶，不用擔心！！」
原文刊登於 Yahoo 娛樂圈
