![陳奕迅被致敬?朱克伯格送太太雕像 面相意外撞臉](https://cdn.am730.com.hk/s3fs-public/styles/article_image/public/2024-08/44e8e8b1-5ac0-11ef-a5ff-68dd4e3620fd_1.jpg?h=270e1bb4&itok=ZQmHhQLh)
陳奕迅被致敬?朱克伯格送太太雕像 面相意外撞臉
創立社交平台FACEBOOK嘅朱克伯格(Mark Zuckerburg)同華裔太太Priscilla Chan相愛多年,婚後育有3個女兒,但仍然相當識氹老婆。朱克伯格尋日出咗個放閃post,原來佢搵藝術家Daniel Arsham為太太製作雕像,並寫道Bringing back the Roman tradition of making sculptures of your wife(復刻羅馬傳統,為太太製作雕像)。
![陳奕迅被致敬?朱克伯格送太太雕像 面相意外撞臉](https://cdn.am730.com.hk/s3fs-public/styles/article_image/public/2024-08/44e8e8b0-5ac0-11ef-bfff-ed758b4b4bfb.jpg?itok=kMds480F)
朱克伯格(Mark Zuckerburg)同華裔太太Priscilla Chan已經結婚12年
朱克伯格向來熱愛古羅馬文化,三個女嘅名Maxima、August同 Aurelia都係羅馬名。而古羅馬時代,要表達對親人嘅尊敬,方法之一就係設立雕像。Priscilla亦都留言話The more of me the better?(越多嘅我越好?),仲留個心心俾老公,閃到呢。
呢尊雕像以Priscilla喜愛嘅Tiffany Blue為主色,人像身上穿上銀色衫裙仲有對翼,但最令華文網民討論嘅係雕像個樣,有人話「點解睇落咁似陳奕迅?」……睇真啲?係似嘅。但係Priscilla本尊唔似Eason喎,點解咁嘅?
原文刊登於 Yahoo 娛樂圈