Jason一上台fans已不斷大叫除衫、除褲。
席單位有樂隊KOLOR、TONICK、野佬、陳柏宇(Jason)、陳凱詠(Jace)、台灣組合四堅情等。
與野佬夾band、jam歌獻唱多首歌的Jason，在台上稱做沙灘騷已經是多年前的事，他一上台fans已不斷大叫「除衫、除褲」，最終Jason亦除掉外衣露出麒麟臀，並說：「因為大家都40歲喇，除衫就交俾20、30歲嘅歌手去做。」
Jason最後除了外襯恤衫，露出健碩麒麟臂。
談到他做了音樂節除衫擔當，Jason說：「因為太熱唔除唔得。依家操到一雙麒麟臂都好滿意，如果要除上衫，就要搵一個舒服嘅場合先做，亦要再操Fit啲。(台下有很多三點式美女，是否很吸引？)以前細個去沙灘就鍾意睇比堅尼，而家喺街上隨時都見到靚女著比堅尼，都冇咗嗰種感覺。」
Jace自爆上台前自隊兩杯酒來維持高漲情緒。
Jace第一次在沙灘表演，未出場已十分好興奮，為了讓情緒持續高漲，她特意出場前「自隊」兩杯美酒：「其實一出場就俾觀眾嘅熱情搞到好投入，佢哋又跳又叫，真係好享受，呢啲係最鍾意嘅演唱會氣氛，所以期望再開戶外騷。(今日沙灘騷點解唔著性感啲？)因為要跳好多舞，所以露背就可以，至於台下好多人著比堅尼，自己就留翻旅行先著，表演就免啦，比堅尼就留俾觀眾著。」
身穿薄紗上衣的Jace，十分性感。
Jace拉了一班樂迷朋友上台暢玩。