Cloud拍《引我笑》MV飲住家湯，一秒爆喊。
雲浩影(Cloud)昨日(1日)推出全新派台歌《引我笑》，首次剖白搬離娘家獨居，經歷無助和孤單的痛苦心聲，其中當Cloud拍攝一場飲阿媽靚湯的戲份時，打開湯壼她一秒爆喊，她坦言曾想過邀請媽媽客串，惟因過不了心理關口，打消念頭。
新歌由Yungie作曲、黃偉文Wyman填詞、編曲Nic Tsui和黃兆銘、監製徐浩。MV故事中Cloud度過了一個很孤單又狼狽的生日，匆匆回家時發現門鎖壞掉，想找「男友」求救時，才想起經已分手，等待開鎖師傅上門期間，她獨坐在屋外地上吃蛋糕和Pizza。成功入屋後，朋友邀請出外開party都無心情而拒絕，然後她翻開童年生日會舊照、對著窗發呆。當她喝了一口媽媽給她的愛心靚湯，再看到媽媽在生日利是封上寫的「生日快樂」時，Cloud終於崩潰，哭成淚人。
Cloud說：「我同MV導演討論時，發覺都市人，尤其是搬出嚟獨居，真係會home-sick（思鄉病），而呢件事真係發生喺我身上。今年初，我第一次嘗試自己搬出嚟住，體驗獨立生活，發覺一個女仔要處理好多瑣碎嘢，真係幾吃力，原來平時喺屋企有Daddy媽咪照顧晒呢啲事。」為讓Cloud真情流露，導演阿Sheng預先打探她最喜歡媽媽煲的「蕃茄豆腐湯」。Cloud說：「導演出動佢媽咪，特登要求佢煲呢款湯，當我打開保溫壼，聞到熟悉嘅香味，好感動，係屋企嘅味道，喚醒咗一啲回憶！」她表示只要與她在乎的人有關的事情都會令她落淚，同時她笑點亦很低，無聊事也可笑一餐。
Cloud自爆曾想過邀請媽媽親自演出，最終打消念頭，「我諗問媽咪，佢會開心答應，因為媽咪都有一個做幕前嘅小夢想。但我覺得喺媽咪面前做戲，感覺怪怪的，係我過唔到心理關口，我覺得佢一定勝任。其實拍攝期間我有一刻後悔，當時有諗過，如果媽咪在場同我一齊拍就好啦！」MV中，Cloud買了一雙高跟鞋氹自己開心，現實中，這一刻她最想買甚麼？她笑說：「最想買宵夜，食宵夜最開心、最邪惡，guilty pleasure（罪惡感的快樂）！」
amJetso送 Bodysonic先力牌窗口式冷氣機X靜音循環風扇X電動冷凍小風扇
