《2024香港小姐競選》15強佳麗大爆兒時趣事。
《2024香港小姐競選》於無綫官方社交平台陸續公開15位佳麗的童年照，15強佳麗還各自接受了See Saw先訪問，大爆兒時趣事。觀乎15張「Q版港姐」童年照，不難發現佳麗們的美貌是三歲定八十，當中2號倪樂琳、3號王汛文、4號謝淑怡、8號盧凱怡及12號鍾翠詩的童年照更是靚到不得了，有人眼仔睩睩，有人笑容甜美。
香港小姐2024｜陳甜甜泳裝谷到行 14號楊梓瑤新look變徐子淇
謝淑怡︰小時候會模仿冠軍向鏡頭揮手
「甜美笑容」代表12號鍾翠詩拍攝宣傳片時，「神還原」了兒時招牌篤面珠可愛手勢，並笑言：「細個嗰時嘅我好鍾意笑同影相，唔鍾意喊」。至於「眼睩睩」代表2號倪樂琳，則笑稱小時候是搞怪小妹：「我細個比較古靈精怪，見到鏡頭會好鍾意唱歌同跳舞，做啲好搞怪嘅動作。例如我鍾意喺媽咪想影我優美咁彈琴嘅時候，好似傻咗咁boom boom boom亂彈。」又笑言相關性格適合參選港姐：「因為唔會令氣氛冷場。」倪樂琳說畢更即時向鏡頭展現瘋狂以及驚喜「搞怪表情包」，十分可愛。
除了由細靚到大，不少佳麗更是由小時候開始已憧憬參選港姐，分別是4號謝淑怡、5號莊曉婷、8號盧凱怡、10號吳芷靖及11號梁嘉莹。自小已鍾情閃閃發光東西的4號謝淑怡，小時候會邊看港姐、邊模仿冠軍佳麗向鏡頭揮手。
香港小姐2024懶人包｜最後15強入圍佳麗名單 9號陳甜甜泳裝先聲奪人（持續更新）
莊曉婷以毛巾扮長頭髮
5號莊曉婷則會與在家中扮香港小姐：「細個因為短頭髮，會攞啲毛巾扮長頭髮嘅香港小姐。」莊曉婷還透露小時候「超級男仔頭」之謎：「細個時媽咪一定要我哋三兄妹剪短頭髮，我係到中學先可以留長頭髮，嗰刻我好開心。」10號吳芷靖小時候已想參選港姐的原因亦很搞笑，她亦忍不住邊笑邊說：「細個係有偷偷地幻想自己係香港小姐冠軍，因為細個覺得自己好靚，一直都好有自信。」
令人意外的是，不是所有佳麗均從小到大都斯斯文文，9號陳甜甜及13號程姜月小時候竟曾與男生打架。9號陳甜甜更笑言小時候試過因為打架：「我記得小時候媽媽幫我紮很漂亮的小辮子，放學後小辮子都立起來，就是因為跟男同學打架就沒了。」並補充是直到讀大學才變回斯文清秀。至於13號程姜月的打架理由，則是出於正義感：「細個成日同男仔打交，因為覺得啲男仔會蝦啲女仔，我就好睇唔慣。」另值得一提的是，7號秦冀雯仍是BB時，已有相當特別的經歷，相關經歷更與其出生磅數有莫大關係：「我出世時十斤四両，好重，因為太重，啲護士全部O晒嘴，仲有記者過嚟採訪我媽咪，準備要登報紙。點知幾日之後，有個十一斤幾嘅小朋友出咗世，佢就搶咗我風頭喇。」
香港小姐2024｜「翻版蔡潔」程姜月整傷尾龍骨 陳甜甜吳芷靖狂練廣東話
amJetso送 Bodysonic先力牌窗口式冷氣機X靜音循環風扇X電動冷凍小風扇
