![小B驚喜送上心意卡,令沈殷怡、谷德昭和阿神十分感動。](https://cdn.am730.com.hk/s3fs-public/styles/article_image/public/2024-06/%E5%B0%8FB%E9%A9%9A%E5%96%9C%E9%80%81%E4%B8%8A%E5%BF%83%E6%84%8F%E5%8D%A1%EF%BC%8C%E4%BB%A43%E4%BD%8D%E4%B8%BB%E6%8C%81%E5%8D%81%E5%88%86%E6%84%9F%E5%8B%95.jpg?itok=7yEIJHgk)
小B驚喜送上心意卡,令沈殷怡、谷德昭和阿神十分感動。
由谷德昭、沈殷怡(Shirley)和曾贊學(阿神)主持的《香港小B選舉》,今晚(28日) 播出的最後一集是小B畢業禮,小B們毫不掩飾對3位主持的喜愛,秘密準備心意卡分別送給3位主持,聽到有小B高呼「我都鍾意Shirley姐姐」,Shirley即時感動到眼濕濕,一眾小B馬上送上擁抱安慰,場面好有愛,她坦言:「一開始都好擔心自己勝唔勝任到呢個節目,因為自己無小B,亦都好少同佢哋相處。但係今日睇到張卡,佢哋嘅反應同擁抱,未試過拍節目係咁感動。唔捨得佢哋畢業。」
![Ad Block](/assets/v2/img/ui/代替網上廣告_300_250px.jpg)
寄語小B快樂善良成長
《香港小B選舉》不只是「兒童選美會」,重點是以「德智體群美」為主題進行連場比試,過程中秘密加插社會實驗,以真人騷形式呈現父母與子女的互動,帶來有笑有淚有反思。在今晚的畢業禮上,小B向主持表達謝意,同時3位主持分別逐一向小朋友寄語,谷德昭感性地指:「呢個節目唔係想用嚟比較,最想嘅係小朋友同家長有一個快樂嘅時光,有一個好好嘅回憶。小朋友能夠快樂成長,最重要就係做一個善良的小朋友,咁我就最開心喇。」
![Ad Block](/assets/v2/img/ui/代替網上廣告_300_250px.jpg)