馬國明一直都有使用迷你倉的習慣。(娛樂組攝)
馬國明與李龍基及冼迪琦今日出席迷你倉活動，冼迪琦以前扮演過馬國明的囡囡，昔日手抱的女兒，如今囡囡長到亭亭玉立，馬國明說︰「唔可以攬攬，唔夠膽，嗰時同佢拍戲係可以手抱。」冼迪琦透露稍後推出新的寫真，現時因為是捧球休季，所以會為籃球隊打氣。
否認湯洛雯有喜
馬明表示一直都有用迷你倉，自言不常用的東西會放在迷你倉。他稱自己有不少模型，老婆湯洛雯沒有阻止他放在家中，但實在太多也要放在迷你倉。問到湯洛雯是否有喜，他說︰「暫時真係未有，大家唔使估，估係咪未公布得，如果有會好大方咁講。可能大家太想我哋有，所以就話有咗。其實我哋第一日公布拍拖，就成日話我哋結婚，都係同一道理。」
沒有特別計劃造人
他表示對造人一事沒有特別計劃，一直都順其自然。問到湯洛雯有沒有進補，他表示沒有見到，但見到湯洛雯有做運動。」他又指自己沒有吃甚麼補品，太太亦只會識簡單的滋潤湯水。談到太太甚少公開見面，是否不用再工作做少奶奶，他稱湯洛雯一直都有工作，只是沒有劇，令大家覺得對方常在家中。馬明透露近日忙於在深圳拍攝，笑謂有很多me time，但有時嫌太多，所以也有叫湯洛雯北上陪他。
馬國明睇好蕭正楠拎視帝，戥對方不夠運氣。(娛樂組攝)
大讚蕭正楠《巾幗4》表現好
馬國明憑《飛常日誌》入圍角逐男主角，他表示非常搲頭，因為自己不覺得《飛常日誌》是一部電視劇，他更私心希望蕭正楠拎視帝。他說︰「我就真係好想蕭正楠拎！但又唔明點解佢喺《巾幗4》冇提名，我都唔係好明，好似我上年喺《隱形戰隊》都冇提名咁，公司安排囉。有啲戥蕭正楠唔抵，因為佢喺《巾幗4》真係做得好好囉！佢係時候拎視帝嘅人，但佢一直都冇運囉！我覺得佢做得好好所有嘢！」
他表示相信翠如有BB一事，已經比起有沒有提名更開心。他稱過去跟蕭正楠交談時，知道蕭正楠對獎項不是太著緊，但自己作為朋友就戥對方非常不值。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
