黃百鳴半裸晒結實肌肉 做瑜珈展示逆齡肌力 網民︰78歲的少男

資深電影人黃百鳴縱橫影圈近半世紀，演員、導演、編劇、監製及電影公司老闆多個身份集一身。早前百鳴哥喺聚會上演唱MC張天賦嘅《記憶棉》，雖然腔口同MC截然不同，但係唱起嚟冇走音兼貼近年青人口味，都足以令網民瘋傳喪like。

早前百鳴哥喺抖音分享「水著照」，大晒結實肌肉，畢竟都78歲，「爆肌」就稱唔上喇，但冇肚腩兼有線條，勝過唔少同齡嘅伯伯。今次po相同樣令年青網民好大反應，更有人稱黃百鳴係「78歲的少男」。

百鳴哥keep得好，相信勤做運動係其中一個原因。黃百鳴IG早前有post出做瑜珈嘅相，用瑜珈環做拉背開肩動作，甚至用嚟支撐做近乎倒立嘅動作，可見肌力有返咁上下。

識唱歌而且仲係影壇猛人，家陣仲晒埋肌，黃百鳴仲唔係新一代男神？！

原文刊登於 Yahoo 娛樂圈

amJetso送香港美酒佳餚巡禮-品味通行證 立即登入會員參加