兩人於apm戰鼓前擊鼓，為奧運港隊打氣。
兩代「奧運之星」馬國明、孔德賢，昨日於觀塘apm出席《運動狂熱加油站——繼續為運動員打氣》活動，與現場觀眾大玩足球遊戲，又與市民繼續不間斷為港隊運動員打氣，支持香港運動發展。
馬明指剛回港，早前他以明星足球隊成員身份，於佛山踢友誼賽。孔德賢稱：「一直恨與馬明合作，好想重演當年『奧運六星』段舞蹈表演。」馬明聞言即說：「嗰次係我人生一段黑歷史，自己都唔敢再睇返，排咗兩個鐘就去表演，自己都覺得尷尬。」
巴黎奧運閉幕在即，孔德賢擔言不捨，「追比賽追咗兩星期，而且慣咗拍劇捱夜，所以有啲唔捨得。」他稱很多時凌晨收工選擇暫不回家，會留在公司觀看賽事，因為有一大班同事做直播，所以好好氣氛。
馬明稍後會到布拉格拍為《白色巨塔》外景，他稱老婆未必會同行，因為此行非常急趕，只拍2至3天，「拍完布拉格外景要趕返香港拍廠景，所以冇時間再去旅遊觀光。」談到他還未與太太渡蜜月看北極光，他說：「佢今朝先投訴完，我都想睇，不過要等冇咁忙先去到。」
兩人即場請教港足前鋒潘沛軒球技。
amJetso送 Bodysonic先力牌窗口式冷氣機X靜音循環風扇X電動冷凍小風扇
