Lolly Talk以一身清涼打扮現身。
昨日《The Nextwave 沙灘音樂節》，女團Lolly Talk以一身清涼打扮現身，她們表示，為了今次演出勤力做運動健身。Lolly Talk說：「依家大家都好fit，MeiMei呢排因為做節目要練到好fit，而Ahyo又打拳，所以佢地操得最fit。我哋係第一次參加沙灘騷，好鍾意現場嘅氣氛，台下觀眾都睇得好開心，我哋都玩得好興奮。」
Lolly Talk台上又唱又跳，而且非常有觀眾緣。
周殷廷表演完畢後，大呻唔夠喉，揚言想搞戶外騷：「今日冇打底啊，如果濕身就由佢，我覺得呢個就係做戶外騷最正嘅地方。(想唔想插水跳入人群中？)我怕台下冇人接我啊，不過可以同觀眾互動係好開心，我都想搞戶外騷，即使預算大比公司『咋型』都唔理，因為我會不惜工本做比大家睇。」
周殷廷表演完畢之後大呻唔夠喉。
Rubber Band沙灘騷：除衫咪搞
樂隊Rubber Band出場時，台下觀眾都大叫除衫，不過6號直接拒絕：「唔好啦，除衫唔啱我哋呢個咁嘅年紀，怕一冷一熱病啊，已經盡量著到好夏日。(台下好多靚女著比堅尼，有冇留意？)響台上就當然睇到啦，佢哋都著得好靚，係吸睛嘅。」
