一名港女聲稱，有內地男搭巴士拖行李篋放上層走廊。(網上圖片)
巴士上層的走廊空間較為狹窄，如果有行李篋放在上層，相信會阻礙通道，影響其他乘客。近日，有位港女在社交平台 Thread 上發文，抱怨搭巴士時，上層發現一位內地男乘客將行李篋放在走廊上。她在帖文中質疑：「拎個喼放上層係咩事？個個行過都要跨欄咁過。」
港女：後面啲人等佢搬咗落去再落
照片可見，一名穿著綠色上衣、戴著眼鏡的男子站在巴士上層，手中拿著一個行李篋放在走廊上，看起來十分阻塞道路。
網民教路：同車長講
帖文引起不少網民留言。有網民問樓主：「最後點？點落車？」她回答：「佢喺港珠澳落，後面啲人唯有等佢搬咗落去再落。」也有網民認為：「屬於安全隱患，會令到乘客會受傷，司機會孭獲，通知巴士司機處理。」還有網民表示：「冇人出聲大概係因為啲人唔覺得危險，到有一個半個俾個喼撞親或累到落唔到車，先會有人出聲X佢兩句」、「試過，落車時同車長講，佢即時上上層處理」
但也有網民推測該內地男把行李篋隨身帶到上層的原因指：「佢怕俾人偷」、「因為呢排機場巴士小偷急增」等。然而無論如何也好，為安全起見，所有行李應該放在下層。
amJetso送香港美酒佳餚巡禮-品味通行證 立即登入會員參加
