盧寵茂現身黃竹坑SOUTHSIDE 撐愛女寵物店開張(吳浩南攝)
港鐵位於南區黃竹坑站嘅新商場THE SOUTHSIDE今日(21日)正式試業，開放5層商鋪，商場係中午舉行舞獅儀式慶祝。《am730》辦公室今年都搬咗入黃竹坑，Ray食午飯時間梗係去睇下有乜新餐廳食，趁機行下街，點知喺商場地下附近一間寵物店出面撞到醫務衞生局局長盧寵茂，唔通佢都係嚟出席儀式？
盧局長同Ray講，原來呢間寵物店係佢千金有份投資，所以特登抽食飯時間入嚟黃竹坑支持，期間佢仲同寵物店嘅狗狗玩，又聽店員講解美容設備嘅運作，亦有市民認得出局長一齊合照。局長仲好坦白講，其實自己好少入嚟黃竹坑，不過佢覺得THE SOUTHSIDE嘅場地唔錯，幾滿意環境咁話。
