![網上熱話|香港父母苦呻湊囝經 4大殘忍現實惹人心酸](https://cdn.am730.com.hk/s3fs-public/styles/article_image/public/2024-08/W_9.jpg?itok=DeMcw-58)
網上熱話|香港父母苦呻湊囝經 4大殘忍現實惹人心酸
不少地方都面對出生率低的問題,在百物騰貴、樣樣都加但人工唔加的情況下,要照顧和養育下一代實在是一件困難的事。近日,有已為人父母的網民在討論區上發文,苦呻生兒育女的悲哀實況,更帶出「窮人唔好生仔」的概念,令人十分心酸。
![圖片來源:TVB《BB來了》劇照](https://cdn.am730.com.hk/s3fs-public/styles/article_image/public/2024-08/WhatsApp%20Image%202024-07-23%20at%2017.06.16%20%284%29.jpeg?itok=Bt20i1kl)
圖片來源:TVB《BB來了》劇照
香港父母連登發文 苦呻湊囝經
早前有已為人父母的網民在討論區上發文,直指有些事要「有家庭先明」,苦呻在香港地生兒育女的悲慘實況。先以去旅行為例,發文者稱自己不時都會被一些「隔個零兩個月就飛一次」的後生同事問及「咁少聽你講去旅行既」,而他每次聽到都會十分無奈,只因「每次旅行都要使3-4倍既錢」、「仲要每次都要旅行旺季」、「去轉日本都要預至少4-5萬,真係好肉赤」。
![圖片來源:LIHKG討論區](https://cdn.am730.com.hk/s3fs-public/styles/article_image/public/2024-08/WhatsApp%20Image%202024-07-23%20at%2017.06.16.jpeg?itok=DqMelGNq)
圖片來源:LIHKG討論區
4大殘忍現實惹人心酸
除了生囝後去旅行的支出變大,以及要遷就學校假期只能捱貴機票外,亦有另外3大殘忍現實令人心酸。他揚言「啲仔女成日都問,點解放假都唔帶我地出去玩」、「唔係唔想帶,係屋企啲家務多到,放一日假全日做家務都做唔X晒」、「自己想抖下既時間都無」。而且「小朋友資質真係有分別」、「同一個教法,一個年年頭十,一個年年尾十」、「有錢既家庭先有資格唔做怪獸家長」、「無錢家庭,十個有十一個都唔想啲仔女行自己條舊路,唯一方法就係放晒d資源晒小朋友度,逼佢哋讀好啲書」。
![圖片來源:TVB《超能老豆》劇照](https://cdn.am730.com.hk/s3fs-public/styles/article_image/public/2024-08/WhatsApp%20Image%202024-07-23%20at%2017.06.17%20%281%29.jpeg?itok=BFM0B3nS)
圖片來源:TVB《超能老豆》劇照
![圖片來源:TVB《超能老豆》劇照](https://cdn.am730.com.hk/s3fs-public/styles/article_image/public/2024-08/WhatsApp%20Image%202024-07-23%20at%2017.06.17%20%283%29.jpeg?itok=4oTd0G_O)
圖片來源:TVB《超能老豆》劇照
![圖片來源:TVB《超能老豆》劇照](https://cdn.am730.com.hk/s3fs-public/styles/article_image/public/2024-08/WhatsApp%20Image%202024-07-23%20at%2017.06.17%20%282%29.jpeg?itok=6j-7ye7j)
圖片來源:TVB《超能老豆》劇照
網民有共鳴:窮人生仔正XX
發文者的心酸事引起大批網民的共鳴,有同為父母的網民唏噓表示「去旅行只係換個地方,睇電話、餵小朋友」,因此要生仔就要「諗辦法搣甩旅行癮」。不過,有網民就認為發文者的經歷正正帶出「窮人唔好生仔」的思想,「冇錢又要生,4、5萬蚊去到日本咁遠都叫貴」、「死谷爛谷不如搞左幾個錢比佢有條件行自己嘅路?」、「諗吓自己能力範圍內做到啲乜好過啦」、「生得就要盡力」。