歐倩怡昨日（26日）出席HOY TV旅遊節目《橫素全中國》首映宴。（娛樂組攝）
歐倩怡昨日（26日）出席HOY TV旅遊節目《橫素全中國》首映宴，她接受訪問透露最近忙於進修正在準備考公開試。被問到修讀甚麼課程，她則大賣關子僅表示日後考到牌照有利未來發展。
歐倩怡表示現階段是自由身，由自己負責接洽工作希望能夠拍劇和唱歌。（娛樂組攝）
有意進軍網台發展
講到今年工作大計，歐倩怡表示現階段是自由身，由自己負責接洽工作希望能夠拍劇和唱歌。講到會否考慮拍TVB劇集，她直言：「未有機會。我都懷疑緊能唔能夠應付，始終都唔係18歲，現階段主持節目《健康關注組》都好開心。」她續說有意進軍網台發展及打開內地市場。至於演藝事業的終極目標，她坦言最想開演唱會。被問到會否考慮自資出歌，她說：「呢件事好遙遠，我冇工作10幾年，要追番呢10幾年嘅經濟狀況都真係需要啲時間。」
自嘲再唔係戀愛腦
被問到與男朋友的感情狀況，歐倩怡指與男友拍拖接近半年，並表示：「始終都喺唔同嘅環境長大，佢其實係一個好普通嘅打工仔，身邊冇一位演藝朋友認識，我諗佢仲要時間去適應。」講到會否考慮結婚生仔，她回應：「我再唔係戀愛腦，要事業為重！」
ADVERTISEMENT
送大埔超級城《金馬喜迎春》禮盒
