許紹雄愛女許惠菁重新振作 宣佈踩入司儀界加盟Bob旗下公司
資深藝人許紹雄（Benz雄）於去年10月28日，因癌症引發器官多重機能衰竭安詳離世，終年76歲。許紹雄的女兒許惠菁（Charmaine）曾多次發文悼念表達不捨之情，正努力走出喪父之痛的她，不斷自勉重新振作，並寄情工作。繼早前她與蕭正楠出席公開活動，又與何雁詩拍YouTube片後，今日(9日)她在社交網正式宣佈加入阿Bob （林盛斌）的棋人娛樂製作公司。
走出舒適圈
Charmaine貼張靚相，並寫道：「半年前嘅我點都唔會諗到呢段時間會需要經歷接二連三嘅變化 ，3個月內一次又一次咁推我出comfort zone，但係老土講句 ，when life give you lemons, make lemonade. 」她續指：「好感激呢段時間有屋企人同一班朋友嘅陪伴，關懷，令到整杯lemonade 嘅過程容易好多，@bob_lamshingbun 好多謝你成日keep me in mind 同邀請我加入 @chessman_hk 呢個family ，期待新嘅學習，新嘅嘗試 ，請大家多多指教啦。」
主力做主持
而在棋人官網，亦見Charmaine自我介紹的宣傳短片，她說道：「Hello大家好，我係Charmaine，大家應該認識我作為一個成日整甜品嘅女仔，而家好開心可以加入棋人大家庭，嚟緊嘗試唔同嘅事物，做司儀或者主持嘅工作，到時再同大家見面。」不少網民都紛紛留言送上支持，並表示爸爸許紹雄知道一定會為她感到驕傲。
ADVERTISEMENT
【開APP領取】免費換領麥當勞叔叔之家利是封及揮春
