日本舞蹈團體Avantgardey下月再襲香港。
日本舞蹈女子團體Avantgardey熱爆亞洲，下月她們將展開亞洲巡迴演出，分別到曼谷、香港、新加坡開show，最近更與各地名人紅星合作跳舞拍片。
Avantgardey巡演香港站下月開鑼，落實3月15和16日一連兩天假麥花臣場館演出；日前，Avantgardey分享在香港街頭大跳古天樂名曲《今期流行》的拜神舞影片後，昨日更分別上載兩條影片，除與Anson Lo盧瀚霆鬥舞外，更驚喜找來陳凱琳(Grace)一齊郁，並寫：「我哋同Miss Hong Kong Grace一齊跳舞！我哋都好miss Hong Kong，所以我哋全隊人會喺3月15 & 16號一齊返嚟香港喺麥花臣Stadium開show。希望到時再同香港嘅朋友一齊見面啦！」今次Avantgardey派出Sono和Macchan出場，穿上藍色裙的Grace站在C位，三人隨住強勁節拍手舞足蹈，跟住Grace突然向住鏡頭「stop」叫停，此時鏡頭一轉，音樂換來香港小姐的經典旋律，Grace更戴上后冠優雅揮手，形成極大反差為網民帶來驚喜。
ADVERTISEMENT
