林峯在迪士尼被網民捕獲。
林峯日前出席《尋秦記》慶功宴時，被問到情人節會否為加長版謝票或到銅鑼灣支持古天樂，他說︰「我嗰日唔係香港，我要陪屋企人，我得一個禮拜假，要陪下老婆同個女，屋企人好重要，個幾月唔見會掛住。大部份時間會喺香港！」
正值放學的林峯就被網民在香港迪士尼樂園捕獲，他更大方跟途人影合照。其後有網民上載林峯跟同行人士到餐廳用餐的照片，見到他在夾餸笑得好開心。不少網民就提起古天樂在訪問中提到林峯每一道菜都會讚好吃，今次照片可說是間接印證古天樂所言。
古天樂與林峯接受彭秀慧的訪問，談到林峯比較喜歡見到身邊人開心。古天樂舉一個例子，指林峯訂餐廳食飯，他會不停大讚「好食」，但他心入面就會產生疑問︰「真係好食咩？但係佢每一道菜都話好食！佢個人係幾想人開心，佢係好感恩！係好嘅，佢欣賞呢件事，佢先想心人哋開心，大家開心先係好！」他又提到有次工作在吃東西，林峯又讚那樣食物很好吃，然而在古天樂心中就是「我食完之後係『唔係哇！』」
ADVERTISEMENT
