@theads圖片
長途駕駛「人有三急」難免尷尬，部分司機無奈以礦泉水樽解決生理需要。近日有網民在Threads上載相片，驚見馬路上赫然出現一樽盛滿黃色液體的膠樽，直言「呢一支應該係尿嚟㗎呵？」並感慨「搵食艱難，尊重任何一個行業，好感恩自己唔洗咁」。
帖文隨即引起熱議，有人笑言樓主大驚小怪，「好多搵食車頭都放幾個空樽，好平常啫」，更有人打趣道「熱氣喎」、「個枝既物主應該即刻入醫院睇睇先」。亦有網民憶述慘痛經歷：「第一日返工着住套suit同高踭鞋，一落車就踩爆咗個尿袋，全腳都係人哋啲尿！」另有人批評亂拋「尿樽」禍及途人，「周圍亂扔，近行人路有車碌過就攪到人一身尿，無手尾！」
司機解話：柯完就400
有自稱職業司機的網民則坦言，常陷「生理需要 vs 荷包安全」兩難，因怕途中找廁所會「食牛肉乾」被抄牌，只好用樽解決，「柯完就400，唔通比廿幾蚊入場柯個尿咩？」他強調自己不會亂掉，但無奈情況難免。
為何用相同牌子水樽？
至於為何常見同一牌子礦泉水樽，網民解釋因油站贈送水多為該品牌，司機自然就地取材。有人更笑指樽身厚實不易滲漏，「好過用薄膠袋」，亦方便辨認，「用冰紅茶樽裝嗰啲先難分」。
ADVERTISEMENT
立即更新 /下載AM730手機APP 體驗升級功能
