蘇紹聰邀請傳媒茶敍（陳芷晴攝）
新一屆立法會議員上任兩個月，準備迎接政府提交嘅大量法案，本身係執業律師嘅選舉委員會界別議員蘇紹聰就話準備好做「Bill（法案）王」。
仍在適應議員工作
趁馬年開初，蘇紹聰主動邀請傳媒茶敍，話作為立法會議員有好多會議，方方面面都需要兼顧，目前仲適應緊。佢叫助理同傳媒如果覺得佢做得唔妥，要多加提醒。被問到有冇準備好做「Bill王」，佢笑住講知道走唔甩，可以發揮專長好過叫佢做唔熟悉嘅嘢。至於擔唔擔心好似之前嘅議員咁睇漏巴士安全帶法例嘅詳情，佢話就算盡咗力，都可能會睇漏，形容「出得嚟行，就預咗要還」。
蘇紹聰邀請傳媒茶敍（陳芷晴攝）
噚日政府公布新一份財政預算案，蘇紹聰話經濟環境唔算太好，「派糖」算係咁。佢提到北部都會區係重點項目，係政府嘅首要工作，一定要做得好。加上打造「四中心、一高地」，即係國際金融、航運、貿易同創新科技中心，以及國際高端人才集聚高地，都要一定嘅資金。佢認同咁多錢要使，制定呢份預算案一啲都唔容易。
ADVERTISEMENT
送BOC Pay+ X M&M'S 慶新年開運箱
