幾組客人睇樓同時出價落票爭盤！區內租客追價13萬成功入手馬鞍山三房｜二手樓成交
近期入市氣氛向好，中原地產馬鞍山海柏花園分行高級分行經理梁榮貴表示，馬鞍山區2月份錄134宗二手買賣，與1月份相若，其中翠擁華庭錄得3月份首宗成交，屋苑最新錄8座中層G室成交，單位實用面積約781方呎，三房連套房間隔。
梁榮貴指，單位上月中放售，原先同時放租或賣盤，開價約880萬元，但當時租客仍未搬走，至昨日租客搬走，單位交吉可以睇樓，隨即有數組客人睇樓並同時出價落票，最終獲一組客人追價13萬元或約1.5%，以893萬元易手，呎價約11,434元。
翠擁華庭錄得3月份首宗成交。(資料圖片)
單位16年間升值近「5球」
梁榮貴透露，新買家為區內租客，近日決定轉租為買，見屋苑環境舒適，價錢合理，決定購入單位自住。據了解，原業主於2010年以400萬元購入單位，持貨約16年，是次轉售帳面獲利約493萬元，物業期內升值約1.2倍。
資料顯示，翠擁華庭位於馬鞍山沙安街9號，2000年入伙，共有12座，提供1,606個單位。
即睇馬鞍山翠擁華庭放盤 (House730)
ADVERTISEMENT
送金像奬提名電影放映入場證
