【即時娛樂】真木陽子得罪宅男謝罪兼電視劇腰斬

現正在港上映嘅日本電影《我的毒男叔叔》中女主角真木陽子，樣靚身材好，曾獲日本男性選為「五大誘惑女神」。然而佢最近表明想藉參加日本最大御宅族慶典「Comic Market」，發表寫真集，為此更向fans籌措資金，引發御宅族極大不滿，狠批佢根本唔了解Comic Market嘅內涵。事後真木陽子喺臉書道歉，坦言自己無好好學習Comic Market禮儀，就輕率參加，所以宣布退出。咁仲未算衰，真木陽子主演日劇《瑟西爾的企圖》收視慘淡，富士電視台日前宣布7日播出嘅第9集為完結篇，此舉等同腰斬，真木陽子人氣下跌至谷底。