楊千嬅、余文樂及導演彭浩翔，昨日去旺角宣傳電影《春嬌救志明》，台上他們與粉絲大玩遊戲，樂仔更抱起女粉絲擺甫士，引來觀眾尖叫連連。樂仔與彭導不時講有味笑話，又笑千嬅是「中女」。
事後三人受訪時繼續不停互寸對方，問到千嬅今日打扮Elegant，但樂仔同彭導就不停講有味笑話，問到會否尷尬，千嬅表示已經麻木：「我依家面皮厚過鞋底，耳仔麻木晒。」彭導就笑說：「我哋唔講(鹹濕嘢)佢唔舒服，嗰日好似未完。」提到被寸是中女，千嬅強調唔會嬲：「他朝君體也相同，唔會動搖到我情商。」她又指之前在內地宣傳，他們用普通話說要陪她度過更年期，但廣東話比較直接:「有幾多男人可以陪女人過更年期呀？所以係嬲唔落，仲有啲感動添。」
由上海返港的余文樂因食錯嘢肚屙，搞到腳軟，更被彭導取笑：「係咪食錯咗後生女、細路女呀？」樂仔全無反擊之力說：「隨便你哋講啦。」千嬅就說：「見到佢咁個心好爽，又好肉赤。」
ADVERTISEMENT
【開APP領取】免費換領麥當勞叔叔之家利是封及揮春
