【即時娛樂】淺野忠信苦練上海話變身道地上海人

電影《羅曼蒂克消亡史》嘅演員陣容鼎盛，其中日本影帝淺野忠信，喺劇中學上海人著長袍馬褂、打麻將，開鏡前三個月苦學上海話，做個道地上海人。佢喺戲中飾演上海大佬葛優嘅妹夫，喺上海經營日本料理店，但暗地裡幫葛優處理幫派事務，係關鍵嘅劇情人物。另一影帝葛優眼中嘅淺野忠信係個厲害演員：「佢係一個安靜卻非常敬業演員。我睇劇本唔會將台詞準備得咁充分，可能到現場會有變化。但淺野到現場冇攞住劇本睇，所有台詞都喺佢腦裏面，你講乜佢都知，同俾反應你，這一點挺好」。