胡杏兒有喜 Bosco：冇時間恭喜佢

苗僑偉、黃宗澤(Bosco)、吳卓羲(Ron)、王敏德、王敏奕、陳凱琳及黃智雯等，昨日出席網劇《飛虎極戰》拜神儀式。Bosco和Ron很久沒合作，兩人笑言：「唔好講幾多年啦，淨係記得合作係好耐之前嘅事，所以今次再合作，大家都好開心。」

問到二人是否負責騷肌肉，Bosco直言沒時間練，剛開完《溏心風暴3》就過來，連睡覺的時間也沒有。反而Ron有鍛煉，又曬黑不少，早前更在網上騷肌，Bosco笑他家中漏電，所以才這麼黑。問到眾多男主角會否搶戲，他們就指：「男角愈少愈好，最好頭兩集就被炸彈炸死，我哋都睇三哥，佢係我哋領頭。」提到Bosco舊愛胡杏兒宣布有喜，他直言：「冇時間私下恭喜佢，希望喺度祝佢BB快高長大。」

黃智雯否認婚訊
王敏奕首次飾演女飛虎，也是暫時唯一一位女飛虎。問到會否感到有點孤獨，她表示：「有啲尷尬，因為睇起嚟好細粒，我有特登練腹肌，但著咗衫都睇唔到。」提到早前跟男朋友曾國祥去日本旅行，她說：「好唔捨得，因為之後大家各有各忙，可以喺埋一齊嘅時間唔多。」至於近日被傳婚訊的黃智雯，坦言現在沒計劃結婚，有的話也瞞不過傳媒。