偉仔懶理嘉玲之之反面

梁朝偉、陳奕迅及台灣女星張榕容等，昨日在船上宣傳電影《擺渡人》，近日有報道指偉仔太太劉嘉玲與關之琳不和，在喜宴同場「面左左」，偉仔說：「我都唔知佢哋唔啱，呢排我喺上海拍緊《歐洲攻略》，嘉玲都冇同我講，我都係睇你哋報道先知。(可有安慰她？)冇喎！不過佢就嚟生日，我要工作陪唔到佢，(送甚麼禮物賀老婆牛一？)趕唔切諗呀，日日都要做嘢，後補啦！」