王梓軒追C君歌詞阻人過大禮

王梓軒到商台宣傳入行10周年演唱會主題曲《多得你》，他表示，和監製趙增熹用了數月時間來揀歌，又去美國搵咗十幾年好兄弟唐達錄音，十分認真。新歌邀得好友C君填詞，本身由他全權負責，但他要出外拍旅遊節目，最終要邊拍邊填，加上他忙結婚過大禮，最後等不及他回覆，修改了部分。梓軒不好意思說：「正當我想追佢嗰陣，先知原來佢忙緊過大禮。我仲阻住人哋，真係要差佢幾餐飯。」