張蔓莎爆吳肇軒「哩啡」

吳肇軒、張蔓莎等，為ViuTV劇集《理想國》進行拍攝，二人飾演一對曖味鄰居，透過廚房窗戶傳情。拍攝當日，吳肇軒以一身不修邊幅造型出現，又稱：「平日返公司都係咁樣。除非我預感當日會撞到好多朋友，先會打扮下。不過如果約咗女仔，會靚仔到連鏡頭都認唔到我！」吳肇軒稱，與張蔓莎同公司，所以默契十足，而張就爆吳為人「哩啡」：「我覺得呢個造型就係平時嘅佢，我仲有好多佢私底下嘅嘢啦！不過我唔講啦，怕影響佢形象呀。」