蕭正楠與黃翠如婚後月誕下「蕭哈哈」，兩公婆有仔萬事足。
蕭正楠與黃翠如2018年拉埋天窗，婚後7年終造人成功，今年3月誕下愛情結晶品「蕭哈哈」，兩公婆有仔萬事足，兩人不時透過社交網分享湊仔日常。
今天（10月23日）是黃翠如的44歲生日，壽星女今日於網上分享親子靚相，貼出與蕭哈哈的溫馨合照，見翠如用鼻尖貼向囝囝面珠，得意可愛的蕭哈哈更眼仔睩睩望鏡頭，手仔亦輕撫媽咪面頰，翠如留言寫：「回看，原來已經擁有了全世界，生日，快樂，我，蕭媽媽！」廿四孝老公蕭正楠當然亦十分識做，在自己IG帳戶上載一家三口合照，是他與蕭哈哈夾擊錫錫黃翠如，蕭正楠寫：「終於搵到一張有我嘅相，呢個嬲，嬲得好快樂，嬲得好幸福，祝我的天下無雙，生日快樂！愛我要和哈哈一樣多。」幾句留言已甜到漏。
ADVERTISEMENT
送大埔超級城《金馬喜迎春》禮盒
