早前邵仲衡入院縫針，幸好不用剃頭。
邵仲衡、趙碩之和陳蕊蕊昨日出席新戲《母夜叉》開鏡儀式，日前邵仲衡在拍攝期間受傷，額頭受傷要縫5針，他表示現時已沒有大礙，又指幸好不用剃頭，否則不能連戲。
邵仲衡稱今次是他入行以來，收到最大封利是。他說︰「我撼崩頭就收咗大利是，成一千蚊，依家仲未拆針。前排喺北潭涌公園拍嘢，當時大家有啲誤會，就俾個攝錄機撞到個頭。醫生話好好彩，如果再過少少就見骨，佢話個傷口好刁鑽，剷起咗啲皮成個V字形，再低少少就好難搞，唔連戲。今次收大利是，希望唔好再收。」
提起收利是，以一身紅衣女鬼示人的趙碩之，劇中首場戲便要吊頸身亡，她說︰「我每組都有好多死嘅戲，如果每組都收，就有好多十蚊廿蚊。」她透露與邵仲衡扮演「人渣夫妻」，對方在戲中為錢迫患有癌症的她吊頸自殺。問到二人有沒有親熱戲分，趙碩之就爆邵仲衡自行加戲，她說︰「佢自己經常加戲，為效果都OK嘅，呢部戲都係佢推薦我拍。」
與金剛分手後的陳蕊蕊表示有追求者，現時大家了解當中。
ADVERTISEMENT
【開APP領取】免費換領麥當勞叔叔之家利是封及揮春
