金剛被指是阮小儀神秘另一半認識小儀老公大讚對方人品好

在澳門舉行的《萬千星輝頒獎典禮2025》圓滿結束，今年大會邀來金剛、林曉峰、王祖藍擔任頒獎嘉賓。金剛孖林曉峰一同受訪，講到金剛早前被傳是阮小儀的神秘老公而成為網民焦點，金剛接受訪問時，有記者首先開口「祝福」他新婚快樂，金剛笑稱：「恭喜小儀，係咪呀？我都估唔到點解係小儀呢？我自己都好意外。」事源小儀宣布結婚時與老公齊曬婚戒，網民憑男方手錶尋找線索，由於金剛擁有同款電子錶，繼而被指是小儀的真命天子。

旁邊的林曉峰表示：「點解好意外？因為畀人爆咗出嚟？」金剛立即回答：「唔係！哈哈，好意外意思係，我真係估唔到，一早⋯⋯」林曉峰：「一早拒絕咗小儀？」金剛：「小儀話我哋係人鬼殊途，冇可能。」被笑愈描愈黑，金剛之後索性認：「係係係！我係同小儀結婚，咁點吖？」金剛對於小儀嫁人真心替她高興，表示：「真係好恭喜佢，好難得佢可以搵到真愛。我都覺得佢老公好偉大，幫大家解決一件事。解決咗一個咁好嘅人。」

者指小儀是金剛心目中的「女神」，他即反問：「我女神係邊個？」金剛又透露知道小儀老公的真正身份，不僅認識對方，更大讚小儀丈夫是個好人。