就在醫院管理局行政總裁梁栢賢於記者會上表明，會設立3人特別小組檢討如何加強病人私隱保障後，Facebook專頁「HA Secrets」隨即有人發表《Admin團隊對梁柏賢既公開信》，內容提及有伊利沙伯醫院護士向當值警員洩露示威者資料的經過。
公開信中首先質疑梁栢賢是被瞞騙，還是有心包庇涉事護士。之後描述當日事發過程，「當日駐守急症室警崗的警員，在急症室範圍內「行嚟行去」，示威者登記期間，上前質問『點整傷個頭』及『喺邊度整傷』，示威者沒有作聲。該名警員又敲打登記處玻璃窗，要求職員『留個Label俾我』。期後，警員走到分流站嘗試尋找示威者『張咭』，找尋不果。未幾，3名身穿黑衣警察到急症室進行拘捕。」
信中又提到，洩露傷者資料的是「一個等緊升讀緊書嘅女RN」，「當時佢同高層解釋，因為太大壓力，所以先至會比晒啲AE卡俾警方。而高層聲稱佢哋相信呢位同事唔會再犯錯，所以原諒咗佢，唔會再追究。」
「Admin團隊」在公開信中表明，「你(梁栢賢)喺記者會話冇資料，咁依家有晒你要求嘅時地人」。並希望梁會交代調查結果，然後說明處分行動。
ADVERTISEMENT
激送Monchhichi維港海陸嘉年華入場券！
