正所謂「入得廚房，出得廳堂」，女仔識煮番幾味點都係加分嘅。不過呢位台灣女網友就相當天才，第一次去男友屋企下廚就鬧出笑話！
佢喺Facebook專頁「爆廢公社」公開「難忘」經歷：「第一次在男友家下廚，才在想為何他家的煎匙柄這麼短，很難煎的時候，未來婆婆(小聲的說)：『這是飯匙哦』請問各位，我還嫁得進去嗎？」
貼文引起網友熱烈迴響，話由照片可見，真正嘅煎匙同飯勺，其實爭好遠，點解咁都認錯？女網友解釋，因為男友屋企嘅飯勺係黑色，但自己屋企嘅飯勺係白色，外型亦唔同，所以產生誤會。
網友留言狂笑：「下次再去男友家時，看看未來婆婆是否在每個用具上都了貼標籤」、「以後煮飯不會把你排進去，你輕鬆了」
