【福伯唔玩】史匹堡親證夏里遜福最後一次演《奪寶奇兵》

名導史提芬史匹堡(Steven Spielberg)監製嘅上映中電影《挑戰者1號》(Ready Player One)，影評人有讚無彈，觀眾亦睇得津津有味。史匹堡正在籌備中嘅新片《奪寶奇兵》(Indiana Jones)第5集，已落實明年4月開拍。片中飾演鍾斯博士嘅男星夏里遜福(Harrison Ford)，將會係佢最後一次演出《奪寶奇兵》。史匹堡接受英國《太陽報》表示 : 「我可肯定咁講，夏里遜福會係最後一次飾演鍾斯博士。不過，《奪》片仍然會拍落去，亦會考慮由女演員演出，可以將名字Jones改為Joan，問題不大的。」明年4月開拍嘅《奪》片第5集，預計喺2020年夏天上映。