女披唇：柴醫，我想豐胸，飲粉葛鯪魚湯得唔得？
柴醫：粉葛邊可以豐胸啊？
披唇：我聽隔籬陳師奶講話乜嘢葛可以豐胸。
柴醫：你講的是野葛根(又名泰國野葛根)，有別於傳統中藥葛根(即野葛/葛的根部)或本地人食用的粉葛(學名為Pueraria thomsonii Benth.)。泰國野葛根含有多種植物雌激素，包括異黃酮、脫氧葛雌素、葛雌素等，所以民間有豐胸一說。
披唇：咁我飲嘅粉葛鯪魚湯咪白費？
柴醫：如果覺得濕困疲倦，粉葛鯪魚祛濕補充體力，都幾好，有益又好味！
女披唇：精神啲挺起胸膛做人，咪一樣又靚又索！
柴醫：😂😂👍🏻👍🏻👍🏻