柴醫小學時當班長，由於太過盡責，所以常常舉報同學違規傾偈，因而冇乜朋友。
柴醫：葉同學，你唔好再傾偈。
葉同學：你叫我唔好講嘢，你都講緊啦。
柴醫：我係維持秩序，你係撩其他同學傾偈。
葉同學：你仲大聲過我。
柴醫：摘名一次，罰抄默書範圍一次。
葉同學：好！
葉同學繼續我行我素，捍衛自己轉堂的言論自由，結果又被柴醫盯上。
柴醫：你尋日的罰抄默書範圍呢？
葉同學：無抄啊！
柴醫：你……你再罰抄兩次！
葉同學：哦！
如是者，葉同學不停傾偈，不停欠交默書，第三日，第四日，第五日，如是者，累積罰抄次數已經去到64次，結果已經放暑假了。
後記：最近碌facebook ，見到葉同學溝鬼妹，結婚兼生女，作為昔日班長的我，也替他高興。