一位披唇很相信網路傳聞。
女披唇：柴醫，我可唔可以食雞翼？
柴醫：當然可以，你擔心甚麼？
女披唇：我怕食到激素雞，特別是雞翼，係打激素的位置。
柴醫：其實「不含激素」的雞，你很容易找到，隨便去買都買到。反而激素鷄，你點揾都無。
女披唇：點解啊？雞農不是用各種生長激素養雞嗎？否則點會肥得咁快？同埋世界點可能有咁多雞翼？一定係有些畸形雞，可以一隻雞六隻雞翼，甚至網上話，有變種無頭雞，喺地下種出來！
柴醫：哈哈，首先雞農都係想揾兩餐，激素好貴㗎，用飼料已經可以30至40日養肥一隻雞。用激素更加會增加雞的心臟病死亡機率，最多就係飼料中放抗生素，同埋打下防雞瘟的疫苗而已。
女披唇：網上仲話……
柴醫：網上嘅嘢不可盡信啊，網上柴醫都特別風趣幽默，特別Nice 喇，真人咪一樣不苟言笑，平凡普通。
女披唇：係喔！網路世界真係好虛偽啊！
柴醫：