披唇：我個仔身體差，好想帶他來看中醫，但又不敢。
柴醫：你有何擔心呢？
披唇：因為他蠶豆症，所以不敢亂食中藥，我聽人說好似不能食金銀花。
柴醫：除了金銀花還有其他幾種，例如川蓮、蠟梅花、牛黃、珍珠末，都要小心運用。
披唇：西醫話我個仔係「豬肉呢啲缺乏症」，係咪要食多啲豬肉啊？
柴醫：唔係啊，他是說G6PD，唔係豬肉啊！
後記：G6PD缺乏症是一種遺傳性疾病，又稱蠶豆症，因為病原的基因在X染色體中，所以男性嬰兒遺傳的機會比女性為多，患者容易因為吃了某些特定的氧化物質，出現溶血現象，症狀一般是疲累、食慾差、黃疸、甚至昏迷，最嚴重可導致休克死亡。有這種病的小孩，需要避免食蠶豆、衣櫃廁所不能放臭丸，食中西藥也要特別注意，不能自己隨便執感冒茶。