我係一塊死皮，本身係保護主人的貼身保鏢，可惜主人因為心情不好，皮膚常常脫皮，所以就遺留咗我喺遠志診所。
死皮：有無人聽到我講嘢啊？
姑娘頭髮：咦？你新到㗎？😏
死皮：到咗兩日喇。
姑娘頭髮：我可以陪你傾計啊，我哋都算係親戚啊，都係角質蛋白大家庭。😃
死皮：遇到你真係好，無咁悶。
姑娘頭髮：唔緊要，我哋好快就會走㗎喇，芬姐會來打掃，吸塵，到時我哋又會送入大海，再次輪迴。你下世想做乜嘢啊？
死皮：我想做真皮，唔做死皮喇。😞😞
姑娘頭髮：我下世想做一把梳，再梳下姑娘的頭髮，返去探親。
死皮：你真係長情。😌
一聲巨響，隆隆隆，係吸塵器的聲音啊，死皮和頭髮都被捲入其中，雖然它們來自不同的世界。