披唇：點解鱷魚肉可以治療哮喘？
柴醫：你有無見過鱷魚會哮喘？
披唇：無喔！
柴醫：古人發現鱷魚十分強壯，又極少生癌，可以最長潛水6個鐘都唔使上水面透氣。
披唇：即係鱷魚的呼吸系統好勁！屬於可以補肺！
柴醫：於是好多人走去捉鱷魚，搞到某些鱷魚都瀕臨絕種。以前有啲科學家相信鯊魚唔會生癌，所以不停捕獵鯊魚，搞到差點滅頂之災。
披唇：之後點啊？
柴醫：之後，海洋受到很多污染，發現鯊魚都會生癌㗎！這才停止了食鯊魚防癌的熱潮。
披唇：鯊魚真係死得好無辜！所以而家轉食鱷魚醫哮喘，將來如果科學家發現原來鱷魚都會哮喘，呢個神話就會破滅？
柴醫：到時，可能又會食另一種動。
披唇：😢😢😢我老公都可以潛水6個鐘唔出現。
柴醫：我也擔心他的安危。
披唇：他成日話自己係絕種好男人。
柴醫：絕咗種，點會喺你面前出現？😂😂
披唇：如果再潛水6個鐘，我保證會絕種！😆😆
柴醫：寧願得罪科學家，都唔好得罪女人！