無綫(TVB)最近陷入收視低潮期，先有「馬神」馬德鐘主演的《雙生陌生人》成為史上最低收視劇集，再有譚俊彥《十八年後的終極告白2.0》叫好不叫座，好有可能之後播重頭劇《法證先鋒V》時，收視仍然疲弱。冇得救？未必，除了翡翠台之外，大台旗下還有J2這個專攻年輕人市場的頻道，說不定可以靠它的新意殺出一條新血路。
J2台上周五舉行「再出世」記者會，該台的創意總監C君(鄭詩君)率領洪永城和梁諾妍夫婦、陸永、蘇民峰、「Patrick Sir」林溥來等一眾主持，以及23名「J2ers」一同亮相，會上除了公開新台徽，還宣布「620」(揀選這個日子擺明是要幽大台高層樂易玲一默)起會播放18個新節目，係威係勢。還記得上年4月，時任副總經理曾志偉便指ViuTV只能夠與J2比較，所以J2今次新人事新排陣，擺明是想發力與對手正面對決。不過，C君就比起他的上司謙厚好多，不但自比「看更」不敢領下屬功勞，還暗示J2無法與ViuTV直接比較，因為「人哋已經跑到好遠」。
自稱J2「看更」的C君，暗示新節目無法與VIuTV比較，因為「人哋已經跑到好遠」。
相差幾遠，不清楚，因為TVB近年沒有公開J2具體收視數據，而現階段可以說的是J2的新節目的確是新拍節目，但創作意念卻稱不上新，有一種執人、執自己口水尾的感覺，就好似逢周五晚10點播的《無心睡眠》，擺明是一套「走Do姐版」的《晚間看地球》，而Eric Kwok(郭偉亮)主持的《鋪鋪Poker》，顯然是見到他有份經營的YouTube頻道「Round Table Poker」搞得有聲有色，所以便搵錢「買起」他們的節目，至於清談節目《呢鋪開乜》系列，星期一《開火》有名廚教烹飪，星期二《開腦》有洪永城帶你進入元宇宙、NFT世界，星期四《開壇》有蘇民峰教你趨吉避凶，星期五《開卷》有Patrick Sir介紹好書，一星期每晚同樣時段(除了跑馬的星期三)，幾個主持吹住水探討不少主題，格局似足「隔籬台」清談節目《晚吹》系列。當然，不得不提《CP訓練營》，雖然C君話過完全不似《雙層公寓》，但節目仍然是大玩多對男女共座住一間大屋，還是與ViuTV《戀愛Staycation》、杜汶澤喱騷《好想大聲說愛你嘅呢》「同一條腸出」。
《CP訓練營》是否有點熟口熟面。
有心創新 不只似或學
當然，J2的新節目不是一味得個「似」或者「學」字，逢周四晚10點播出的《就算得你一個觀眾》便是其中一個例子。節目由同樣是演藝學院畢業的鄧智堅、朱栢謙、黃頌明、何遠東和吳嘉儀擔任主持，他們會把10個真實故事，改造成十個劇本故事，並將它們以舞台劇形式演繹，將回憶再次呈現，甚有意思。或者你會質疑，節目與ViuTV於2017年播放的《回憶備份》有幾分相似，兩個節目都是想把「主人公」經歷變成戲劇作品，但是只要細心一看，便會發現TVB的新節目是針對憾事，與ViuTV主攻認知障礙症的回憶，絕對是兩碼子的事，加上一個是放在舞台上，一個則以劇集形式拍攝，唔似，真係一啲都唔似，要靠它的創新、創意贏口碑突圍嘛，怎可能會似其他節目。