昨日全城熱話是渣馬，但一向政府高官只係會到看台上致詞及主持起步，最多參與領袖跑，跑下幾K，好少有親自落場跑埋一份與民同樂。不過花名三耳局長嘅政制及內地事務局局長聶德權(Patrick)就比較特別，原來今年已經係佢第三年完成半馬賽事，繼續為香港防癌會籌款，佢半馬成績由2017年2小時26分去到昨日的2小時4分43秒，又再PB(創個人最佳時間)，即係平均唔使6分鐘1公里，非常見得人，起碼參加半馬挑戰組都冇問題。
網友讚局長勁同好fit之餘，亦鼓勵局長明年半馬向sub2(兩小時內完成)進發，或者升呢挑戰全馬。全馬方面，局長就話想也不敢想，因為知道全馬同半馬的訓練同準備要求相差太遠。不過，Ray見局長平日都有出跑步帖文，睇佢進度，明年真係sub 2有望噃。