噚日有兩項公益活動，焦點都落咗喺出席嘅政壇嘉賓身上，但係Ray就留意到兩項活動都各自破咗歷年紀錄，其中一個就係ACCA(特許公認會計師公會)舉辦嘅「公益關愛日」，成功籌得超過140萬元善款，令本港3個慈善機構：匡智會、香港乳癌基金會及禧福協會，旗下針對弱勢社群的項目受惠。
另一個就係「奔向共融──香港賽馬會特殊馬拉松」，參加人數今年再創新高，逾3,800名智障運動員及伴跑員參加，一齊喺中西區海濱長廊舉行嘅賽事，宣揚傷健共融。呢項活動由東華三院舉辦，獲香港賽馬會慈善信託基金全力支持，撥捐682萬元作為由2015年起舉辦賽事嘅3年經費。
