警隊前一哥鄧竟成(圖右)退休後唔算好忙，但到舊年亦出山從商，加入香港航空擔任董事會副主席，幫手出謀獻策，而香港航空最近有新搞作，就係配合國家「一帶一路」政策，以至延續香港作為區內航空物流樞紐之地位，斥資成立全新貨運子公司——香港貨運航空，善用香港於空運業擁有得天獨厚的地理優勢。
香港機場的空運吞吐量自2010年起，連續7年排名全球第一，2016年空運吞吐量達到452萬噸。香港貨運航空日前舉行開業典禮，首席執行官鍾國頌(圖左)話，終於正式取得由香港民航處頒發的航空營運人許可證，及取得由空運牌照局頒發的經營編定航班服務牌照，今次係香港12年來首張審批出的全新空運牌照，屬難得可貴，佢為此感到驕傲及興奮，睇佢同鄧Sir 當日咁開心就知啦。