勞福局局長孫玉菡(後排右6)、協青社會長黃紹基(後排右7)、協青街舞劇2022榮譽項目統籌紀文鳳(後排右4)與一眾嘉賓及青年人大合照。
街舞劇表達正面人生觀。
街舞劇表達正面人生觀。
香港唔少年輕人鍾意跳街舞，阿Ray上星六出席協青社舉辦嘅YO Dancical協青街舞劇2022《一念之間：不！可能》首映禮，就欣賞到一班後生仔嘅精彩演出。原來協青社今年已經係第9年搞YO Dancical協青街舞劇，等青年人可以一展才華之餘，仲為青年發展項目籌款，幫助一班高危青年人可以一展所學。
受疫情影響，今年套街舞劇製成電影，仲放咗喺YouTube播放，套劇講述主角積極面對挑戰，排除困難堅持初心，係一個為夢想奮鬥嘅勵志故事。首映禮更請來勞福局長孫玉菡、協青社會長黃紹基，以及YO Dancical協青街舞劇2022榮譽項目統籌暨嘻哈學校榮譽顧問紀文鳳出席。佢哋除咗感謝一眾支持活動嘅企業外，都希望青年人可以透過街舞劇，學習積極面對人生嘅正面態度。