下星期有勞動節與佛誕，多咗兩日假期，都可說是打工仔的小確幸，梗係想悠閒度過啦！想享受陽光與海灘，除了入長洲hea住等參與太平清醮活動外，Ray仲諗住近近地去埋赤柱，因為法國五月美食節，將於本周六(29日)至下周一(下月1日)，喺領展旗下赤柱廣場美利樓地下，舉辦第4屆法國傳統市集。
開得法國市集，當然唔少得售賣當地美酒佳餚與雜貨，除此以外，今屆仲首度設有法國酒莊的VR虛擬實境體驗，以及由法國文化協會提供的一系列親子活動，包括說故事、桌上遊戲、入門版法語學習、兒童面部彩繪等，讓市民大眾在充滿歐陸氣息的環境下，盡享法式慢活的愉快周末。留意舉行時間，由早上11時至下午6時，記得早啲去玩喇！