售後服務就是售前服務
最近好像好多手機品牌都推新機，看到有人這樣評論——Samsung輸畀Apple的就是「售後服務」。大家以為買電器一定是比較功能，比較Spec，這個也一點不假，但其實Apple的「售後服務」絕對是讓她站在世界頂端的其中一個原因。用Apple的人已經很多，大家都會明白一句說話——「有咩就問Genius啦。」Genius！真是個好名，求助的人知道他們並非專家咁簡單，係天才；天才好神氣，永遠沒有解答不到的疑難似的！蘋果就是蘋果，簡單改個名已經改得那麼好。這也是大家一用Apple就好難轉會的緣故。世上最多的不是Geek，不喜歡研究這研究那，地球上最多的是懶人，趟平一下就有Genius解決問題，有天才的孩子像個寶。
講完好的，也要說個反面教材。大家知道有間吸塵機很出名的外國品牌(風筒也有名)，吸塵機吸力強勁，但最常被垢病的是那顆電，好易用兩用就「打柴」。打柴不要緊，可能是我用得不夠好吧，既然有保養，我去維修吧。那個維修中心真是經典，人已經多又唔夠位坐，仲要拎飛，拎飛之後可能等個幾兩個鐘頭才到你，慘過排米芝蓮餐廳。你以為苦等兩小時後有甚麼特別嗎？其實沒有甚麼，原來只是一個5-10分鐘的登記，等咁耐原來只係為咗個登記。
維修要多久呢？換電需時啊，我那次就等了一個月，這個月內你屋企冇吸塵機用。電換好了，又有幾個月保養期；保養期一過，它又壞了，我再拿上維修。我手上的Model肯定是三五年之間的，他卻告訴我「電冇貨，要等，但唔知幾時有，有就通知你」，我反問佢「部機都重，既然都要整，咁我放低部機先，你有貨整完通知我拎吖。」他：「唔得，你只可以拎返走。」「咁我下次又要再拎返嚟？」「嗯。」「多謝。」然後，我再沒有接到他們的電話，我也買了另一個牌子的吸塵機，使用至今。而那部壞掉的吸塵機，還在我的車尾，已經兩三年了。
因為這個售後服務，我以後售前都會問一句：換咗代理未？未就唔會再買了。嗯，多謝。