年輕人創意無限，腦轉得快之餘，亦大膽創新！Ray絕對無誇張，皆因喺過去的周末，am730與Good Morning Class合辦的am730廣告賣橋王提案日，在一眾中學生積極獻橋下完成賽事。一連多天的提案日收到200幾隊參賽隊伍的好橋，他們無論sell橋、設計電視廣告及平面廣告都有板有眼，唔少隊伍仲即場唱出自創廣告歌，角色扮演又生動有趣；口齒伶俐、繪畫高手都大有人在。
前兩天完成提案的廣告客戶分別是星晨旅遊、得果定公司、星光實業紅A牌及救助兒童會，參賽隊伍出盡力獻橋，Ray感受到他們的青春活力之餘，亦袋了不少靈感落袋。例如向得果定sell橋時，有同學穿上自家製服裝大演30秒電視廣告；亦有中學同學化身細菌魔王和喉糖醫生。另外，有同學向星晨旅遊sell橋時，更大膽用rap形式唱出廣告概念，充滿活力，獲專業評審團大讚。
同場較量必定有火花，就好似紅A是香港人心目中的老字號，有同學改編舊歌唱出香港精神外，亦有隊伍創作紅A金魚，以品牌嘅可愛標記貫穿整個廣告──用紅A細水桶製作成的金魚頭會與水互相轉化，金魚化成水，再由水變成金魚，喻意代代交替的傳承與發展的無限。仲有就係救助兒童會的賣橋過程中，有同學將食鬼的打機元素融入，Ray相信對吸引年輕人確係有用。
今次比賽圓滿結束，大家最期待係5月20日的終極頒獎典禮，想知最後戰果，記得密切留意
啦！
