Like咗am730個facebook專頁，有時間就留意下最新消息，真係有你著數㗎！早前am730個facebook專頁同Heliservices合辦咗個「新春行運之旅」遊戲，得獎者可以帶同親友免費坐直升機，於新春行個高陞大運，翱翔維港之上，令人羨慕。原來仲唔止咁，當幸運讀者依時去享受飛天之旅時，赫然發現當日當值機師竟然係王敏德，真係極大的意外驚喜。嘩，王敏德親自揸直升機同你遊維港，現場人士興奮程度可以想像！
Heliservices 其實係香港有名嘅直升機服務供應商，提供併機及包機觀光服務，唔少遊客都幫襯，有時新聞機構都會租機影下香港鳥瞰景色。有人話一生人總要豪一次坐直升機，Ray都心思思去佢個網頁參考下價錢先。
